الشمعة

قصيدة الشمعة لمحمد الشريف ابن علي ولد الرزين غنتها جيل جيلالة في اواخر السبعينات فكانت رائعة من الروائع جمعت بين روعة الكلام الزجلي و بعض الالحان التي ادخلتها جيل جيلالة على القصيدة و الاداء الراقي الذي يعبر عن مناجات الانسان للشمعة مع ابراز مراحل صناعتها و فوائدها.

لله يا الشمعة سالتك ردي لي سآلــــــــــي
وش بيك فالليالي تبكي مدى انت اشعيــلا
*****
علاش يا الشمعـــة تبكي ما طالت الليالي
وش بيك يالي تتهـــيء لبكاك فكل ليالــي
وعلاش كتباتي طول الديجـــان كتلالــــي
 وش بيك يا لي ما رينا لك فلبكـــا امثـيلا
علاش كتساهر داجك ما سهرو نجالــــي
وش بيك يالي وليتي من ذا البكا عليـــلا
وعلاش باكيا روعتي ناس لهوى امثالي
وش بيك يا لي تنصرفي بدرارك الهطيلا
وعلاش باكيا مدالك للباكي وسالـــــــــي
 وشبيك يالي ظاهر حالك حالة لى وحيلا
اذا نشوف لصفرارك يصفارلو خيالــــي
 واذا نشوف دبلتك زادت لخاطري دبيلة

*****
سلتك بالله عيد لي اش جـرالك
 وعلاش باكيل مدا لـــــــــــــك
وش كان قصتك وش انهو داك
اش نهو داك باش رق خياــلك
وكمن قامتك حنحالـــــــــــــــك
وتبات باكيا لحبابــــــك وعداك
لي دون خفا احكـي بما فدخالك
 وروي قصتك نصغى لـــــــــك
 وانا قصيتي بــــــــــها نتعداك
*****
لو جيت يا الشمعة نحكي لك كل ما اجرى لي
تنسى غرايبك وتصغي لغرايبي طويــــــــــلا
اذا باكيا من نارك نيران في ادخــــــــــــالي
عدات كل نار فداتي وجوارحي عليــــــــــلا
واذا باكيا باسقامك شوفي اسقام حــــــــالي
 من قيس وارثو بعد فناه اسقام حب ليلـــى
واذا باكيا بفراقك مفروق عن اوصالــــــــي
وعلى الفراق صابر وش صبرني علالعقيلا
وانت منين جاك تحكي لي اولي وتـــــــالي
ما فارقة خليل بحالي ما فارقة خليــــــــــلا

السفينة

لله يــــــــــــــــــــــــا سفينة

فين غاديـــــــــــــــــــة بينا

وحنايا فــــــــــــــيك رهينة

للصــــــــــــــــــــايقين بينا

الغرب فنا بزواقـــــــــــــــو

ما بقات قيـــــــــــمة لخلاق

غزا لكساد ســـــــــــــــواقو

وبدات السفينـــــــــة تغراق

الشرق طغاو رفـــــــــــــاقو

شعلت نـــــــــــــارو بالافاق

تحرق وطال حـــــــــــــراقو

وتكدر العيش و ضـــــــــاق

وحنا حتى لين و حنا تابعين

فين راحو معاهــــــــم رحنا

ولاحيـــــــــــــــــــــــنا بدينا

هما يرتاحو وحنا فالمــحنة

مداومة علينـــــــــــــــــــــا

طاحـــــــــــــــــــــــو لكتاف

صعـــــــــــــــــــاب التقداف

على لمغامرة ما بقينا قدينا

فين غاديا بينا هاد السفينة